മമ്മൂട്ടി ചിത്രം കളങ്കാവലിന്റെ ഏറ്റവും പുതിയ അപ് ഡേറ്റുമായി അണിയറക്കാര്
നവംബര് 27ന് ആണ് ചിത്രത്തിന്റെ റിലീസ്
മമ്മൂട്ടി നായകനാകുന്ന ഏറ്റവും പുതിയ ചിത്രം കളങ്കാവലിന്റെ പ്രധാന അപ്ഡേറ്റ് പുറത്തിറക്കി അണിയറക്കാര്. വൈകുന്നേരം 5 മണിക്കാണ് ചിത്രത്തിന്റെ ആദ്യഗാനംഅണിയറക്കാര് പുറത്തുവിട്ടത്. 'നിലാ കായും' എന്ന വരികളോടെ ആരംഭിക്കുന്ന ഗാനത്തിന്റെ ലിറിക്കല് വീഡിയോ ആണ് റിലീസ് ചെയ്തത്. മുജീബ് മജീദ് സംഗീതം നല്കിയ ഈ ഗാനം രചിച്ചത് വിനായക് ശശികുമാറാണ്. ഗാനം ആലപിച്ചത് സിന്ധു ഡെല്സണ്. അന്ന റാഫിയാണ് ഈ ലിറിക്കല് വീഡിയോ ഒരുക്കിയത്.
നവംബര് 27ന് ആണ് ചിത്രത്തിന്റെ റിലീസ്. മമ്മൂട്ടിക്കൊപ്പം വിനായകനും പ്രധാന വേഷത്തില് എത്തുന്നുണ്ട്. അടുത്തിടെ അണിയറക്കാര് വിനായകന്റെ പോസ്റ്റര് പുറത്തുവിട്ടിരുന്നു.നവാഗതനായ ജിതിന് കെ. ജോസ് സംവിധാനം ചെയ്യുന്ന ചിത്രത്തിന്റെ വേള്ഡ് വൈഡ് റിലീസിന്റെ ഓവര്സീസ് റൈറ്റ്സ് ആര്.എഫ്.ടി ഫിലിംസ് ആണ് സ്വന്തമാക്കിയത്. ജി.സി.സി ഒഴികെയുള്ള ഓവര്സീസ് റൈറ്റ്സ് ആണ് കളങ്കാവലിന് വേണ്ടി ഹംസിനി എന്റര്ടെയിന്മെന്റുമായി സഹകരിച്ചു കൊണ്ട് ആര്.എഫ്.ടി ഫിലിംസ് സ്വന്തമാക്കിയിരിക്കുന്നത്.
ചിത്രത്തിന്റെ ട്രെയ്ലര് ഉടന് പുറത്തു വരുമെന്നാണ് സൂചന. ഒരു ക്രൈം ഡ്രാമയായി ഒരുക്കിയ ചിത്രത്തിന്റെ ടീസറിന്, വമ്പന് പ്രേക്ഷക പ്രതികരണമാണ് സമൂഹ മാധ്യമങ്ങളില് നിന്ന് ലഭിച്ചത്. ചിത്രത്തിന്റെ പോസ്റ്ററുകളും പ്രേക്ഷകര്ക്കിടയില് സൂപ്പര് ഹിറ്റാണ്.
മമ്മൂട്ടി കമ്പനി നിര്മ്മിക്കുന്ന ഈ ചിത്രം വേഫറര് ഫിലിംസാണ് കേരളത്തില് വിതരണത്തിനെത്തിക്കുന്നത്. ദുല്ഖറിന്റെ വേഫറര് ഫിലിംസ് തന്നെയാണ് ലോക നിര്മ്മിച്ചിരിക്കുന്നത്. ജിഷ്ണു ശ്രീകുമാറും ജിതിന് കെ ജോസും ചേര്ന്നാണ് കളങ്കാവലിന്റെ തിരക്കഥ രചിച്ചത്. ദുല്ഖര് നായകനായെത്തിയ സൂപ്പര്ഹിറ്റ് ചിത്രം 'കുറുപ്പ്'ന്റെ കഥ ഒരുക്കി ശ്രദ്ധ നേടിയ ജിതിന് കെ ജോസ് ആദ്യമായി സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയുടെ ബാനറില് നിര്മ്മിക്കുന്ന ഏഴാമത്തെ ചിത്രം കൂടിയാണ്.
എക്സിക്യൂട്ടീവ് പ്രൊഡ്യൂസര് - ജോര്ജ് സെബാസ്റ്റ്യന്, ഛായാഗ്രഹണം- ഫൈസല് അലി, സംഗീതം - മുജീബ് മജീദ്, എഡിറ്റര് - പ്രവീണ് പ്രഭാകര്, ലൈന് പ്രൊഡ്യൂസര്- സുനില് സിംഗ്, പ്രൊഡക്ഷന് കണ്ട്രോളര്- അരോമ മോഹന്, പ്രൊഡക്ഷന് ഡിസൈനര്- ഷാജി നടുവില്, ചീഫ് അസോസിയേറ്റ് ഡയറക്ടര്- ബോസ്, മേക്കപ്പ്- അമല് ചന്ദ്രന്, ജോര്ജ് സെബാസ്റ്റ്യന്, വസ്ത്രാലങ്കാരം-അഭിജിത്ത് സി, സ്റ്റില്സ്- നിദാദ്, പബ്ലിസിറ്റി ഡിസൈന്സ്- ആന്റണി സ്റ്റീഫന്, ഡിജിറ്റല് മാര്ക്കറ്റിംഗ്- വിഷ്ണു സുഗതന്, ഓവര്സീസ് ഡിസ്ട്രിബൂഷന് പാര്ട്ണര്- ട്രൂത് ഗ്ലോബല് ഫിലിംസ്, പിആര്ഓ - വൈശാഖ് സി വടക്കേവീട്, ജിനു അനില്കുമാര് എന്നിവരാണ് മറ്റ് അണിയറ പ്രവര്ത്തകര്.
