മന്മോഹന് സിംഗിന് വിട; നിഗംബോധ് ഘട്ടില് ഇനി അന്ത്യവിശ്രമം
ന്യൂഡല്ഹി: മുന് പ്രധാനമന്ത്രി മന്മോഹന് സിംഗിന് വിട നല്കി രാജ്യം. യമുനാ തീരത്തെ നിഗംബോധ് ഘട്ടില് ഇനി അന്ത്യവിശ്രമം. പൂര്ണ ഔദ്യോഗിക ബഹുമതികളോടെയാണ് സംസ്കാരം പൂര്ത്തിയാക്കിയത്.രാഷ്ട്രപതി ദ്രൗപതി മുര്മു, പ്രധാന മന്ത്രി നരേന്ദ്ര മോദി, ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിംഗ് എന്നിവര്ക്കൊപ്പം പ്രതിപക്ഷ നേതാവ് രാഹുല് ഗാന്ധി, മുതിര്ന്ന കോണ്ഗ്രസ് നേതാവ് സോണിയ ഗാന്ധി, കോണ്ഗ്രസ് അധ്യക്ഷന് മല്ലികാര്ജ്ജുന് ഖര്ഗെ എന്നിവര് സംസ്കാര ചടങ്ങില് പങ്കെടുത്തു. സിഖ് ആചാര പ്രകാരമായിരുന്നു സംസ്കാര ചടങ്ങുകള്. എ.ഐ.സി.സി ആസ്ഥാനത്ത് നടന്ന പൊതുദര്ശനത്തില് കോണ്ഗ്രസ് അധ്യക്ഷന് മല്ലികാര്ജുന് ഖര്ഗെ, പ്രതിപക്ഷ നേതാവ് രാഹുല് ഗാന്ധി, സോണിയ ഗാന്ധി, കെസി വേണുഗോപാല്, സിദ്ധരാമയ്യ, പ്രിയങ്ക ഗാന്ധി, ഡികെ ശിവകുമാര് മറ്റു കേന്ദ്ര നേതാക്കള്, എംപിമാര്, കേരളത്തില് നിന്നുള്ള കോണ്ഗ്രസ് നേതാക്കള് തുടങ്ങിയവര് അന്ത്യാഞ്ജലി അര്പ്പിച്ചു. ഡല്ഹി എയിംസില് ശ്വാസകോശ സംബന്ധമായ അസുഖത്തെ തുടര്ന്ന് ചികിത്സയിലായിരിക്കെ വ്യാഴാഴ്ച രാത്രിയായിരുന്നു മന്മോഹന് സിംഗിന്റെ അന്ത്യം
